На аеродромот Шонефелд во Берлин човек е уапсен откако  забележале дека е облечен во елек од кој висат жици. Тој предизвикал безбедносна тревога веднаш по 8 часот, откако го забележале на паркингот.

Тој им се заканувал на обезбедувачите со шише приближувајќи се кон нив. Мажот е уапсен, а полицијата ја затворила областа за специјалните сили да можат да направат понатамошни истраги.

„Човекот во Шонефелд имаше елек од кој висеа кабли и жици. Тој имаше и багаж. За истрагата беа испратени специјални сили. Така, паркингот П6, куќичката и стаклениот подвозник беа затворени“- велат од полицијата. 

Елекот му е одземен на човекот, при што локалната полиција потврди дека јавноста е безбедна.