Директната физичка штета изнесува 34 милијарди долари, соопшти Европската банка за обнова и развој, додавајќи дека трошоците за реконструкција ќе бидат двојно повисоки.

Европската банка за обнова и развој (ЕБОР) соопшти дека ќе инвестира до 1,5 милијарди евра (1,6 милијарди американски долари) во следните две години за поддршка на обновата на турските региони погодени од земјотресите од минатиот месец.

Инвестицијата ќе вклучува 600 милиони евра кредитни линии до локалните банки за компании и поединци погодени од земјотресите, како и заеми за компании кои работат на реконструкција, пренесува Ројтерс.

The European Bank for Reconstruction and Development pledges as much as 1.5 billion in financial support to Turkey’s southeast over the next two years following last month’s devastating earthquakes https://t.co/6IuSCBJLCi

— Bloomberg Economics (@economics) March 9, 2023

ЕБОР, исто така, ќе обезбеди финансирање и совети за малите и средни компании поврзани со поправка на штети и градење отпорност.

Директната физичка штета во регионот е 34 милијарди долари, соопшти банката, додавајќи дека трошоците за реконструкција ќе бидат двојно повисоки.

Бројот на загинати во разорните земјотреси што ја погодија јужна Турција на 6 февруари се искачи на 46.104, изјави во понеделникот претседателот на земјата Реџеп Таип Ердоган.