Американскиот милијардер филантроп Џорџ Сорос му го предаде управувањето на својата финансиска и добротворна империја од 25 милијарди долари на својот син Алекс.

Финансиерот со унгарско потекло рече дека неговиот син тоа „го заслужил“, во интервју за Wall Street Journal.

Од 1990-тите, богатството на семејството е насочено, како што фондација се декларира, кон поддршка на градењето демократија во десетици земји.

Но, во последниве години, 92-годишниот поранешен менаџер стана цел на антисемитските заговори.

Портпаролот на Сорос за Би-Би-Си ги потврди деталите од интервјуто објавено во неделата.

Џорџ Сорос е и еден од најголемите донатори на Демократската партија на САД. Алекс, 37-годишен дипломец по историја, е втор најмлад од неговите пет деца.

Алекс е единствениот член на семејството кој се наоѓа во инвестицискиот комитет на Сорос Фонд Менаџмент, организација за која Волстрит журнал вели дека управува со 25 милијарди долари за семејството и добротворната фондација.

Алекс ја презеде функцијата претседател на Фондацијата Отворено општество (ОСФ) во декември и исто така е задолжен за „супер PAC“ на неговиот татко, американски механизам за насочување средства кон политичките партии.