Две лица загинаа во пожарот во болница во северниот германски град Лудвигслуст, во близина на Шверин, соопштија утрово официјални лица.

Портпаролката на округот Лудвигслуст-Пархим изјави за ДПА дека двете жртви биле пациенти.

Полицијата го процени бројот на повредени на повеќе од 30, иако портпаролката на округот рече дека ниту еден од нив не претрпел сериозни повреди.

Првичните наоди сугерираат дека пожарот започнал во соба со пациенти. Засега е нејасно  дали двете лица што починале биле во иста соба.

Покривната конструкција на болницата се запалила околу 4:30 часот утрово, наведоа локалните власти. Пациентите и персоналот биле евакуирани од зградата додека реагирале службите за итни случаи.

Symbol der deutschen Gesundheitspolitik: selbst in einem echten Notfall werden Menschen alleine gelassen wie hier in Ludwigslust bei einem Klinikbrand. pic.twitter.com/EMUWMsanEp

— Varnsdorfer (@varnsdorfer) July 2, 2026

И утрово пламен и чад се креваат од покривот на петкатната зграда. Надвор, луѓе завиткани во ќебиња за спасување седеа на тревата пред болницата, пренесува ДПА.

Персоналот ги туркаше пациентите со кревети низ болничкиот двор, додека некои пациенти можеа полека да излезат сами. Други чекаа во инвалидски колички или на клупи пред клиниката. Многумина имаа крпи завиткани околу рамената.

Според веб-страницата на болницата, објектот има 160 кревети. Тоа е единствената болница во Лудвигслуст и обезбедува основна и стандардна медицинска нега за регионот, пренесува германската агенција.

Mind 34 Menschen verletzt: Mitarbeiter und Patienten werden derzeit aus dem Gebäude evakuiert. Bei den Toten handelt es sich um Patienten. Die LUP-Klinik in Ludwigslust dient als Akutklinik der mediz Grundversorgung in der Region und ist Teil des LUP-Klinikums Helene von Bülow. pic.twitter.com/CqzyfiZvp6

— Bettina Punkt (@Taykra) July 2, 2026