Американската автомобилска компанија Ford и синџирот за брза храна Domino's Pizza ги здружуваат силите за да тестираат самоуправувачки автомобили за испорака на пица во Мичиген, како дел од напорите за подобро разбирање на тоа како корисниците ги прифаќаат и комуницираат со автономните возила .

Во наредните недели случајно избрани клиенти на Dominos's во Мичиген ќе имаат опција да прифатат снабдување на пица од автономен Ford Fusion Hybrid. Автомобилот нема да работи самостојно.

Секој еден од автомобилите ќе биде со возачот, кој е инженер на Ford за безбедност, а во возилото ќе има и други експерти од тимот кои ќе се зафатени со корисничкото искуство.

Шериф Маракби, потпретседател на Ford во автономните автомобили и електрификација, го опишува проектот како студија.

"Не сакаме да чекаме додека сè во технички план е подготвено и да го отстраниме возачот", вели тој во интервју за The Verge. "Ние се обидуваме да ја започнеме анкетата. Сè уште работиме на оваа технологија, бидејќи не е подготвена за пуштање на автопатиштата".

Луѓето вклучени во истражувањето, може да ја следат нарачката во апликацијата на Domino's и ќе добијат уникатен код, кој се совпаѓа со последните четири броја од нивниот телефонски број. Преку него, тие можат да ги отворат контејнерите во кои пицата се загрева во задниот дел на автомобилот. Информацијата ќе биде комуницирана преку екрани и звучници од надворешната страна на возилото.

"Ние сакаме да разбереме како размислуваат луѓето за ваков вид на нарачка", вели Расел Вајнер, претседател на САД на Домино. "Повеќето од нашите прашања се во врска со последните фази на искуството на потрошувачите". Фокусот е на тоа колку најверојатно луѓето ќе излезат и ќе ги земат своите нарачки, начинот на кој им пристапуваат на автомобилот и како тие комуницираат со екранот за да ја добијат својата храна.