Стефан Бансел, извршниот директор на фармацевтската компанија „Модерна“ која исто така разви успешна вакцина против корона вирусот денеска со позитивна изјава. Вели дека најмалку две години ќе штити од Ковид-19 нивната вакцина која вчера од Европската агенција за лекови ја доби дозвола за употреба.

Бансел, истовремено тврди и дека вакцината на „Модерна“ ќе има и голема ефикасност против мутациите на корона вирусот кои се појавија и во Велика Британија и во Јужна Африка.

– Кошмарното сценарио што се провлекуваше низ медиумите пролетта беше дека вакцината ќе трае само еден месец или два. Мислам дека сега тоа не е доведено во прашање. Падот на антителата оди многу бавно по примањето на вакцината. Веруваме дека заштитата ќе трае најмалку две години, рече Бансел.