Дали имате болки во грлото, течење на носот и болки во мускулите? Може да биде обична настинка, грип или „Ковид-19“. Сите овие болести споделуваат слични симптоми, што понекогаш го отежнува разликувањето.

„Стапките на случаи на „Ковид-19“ се во пораст бидејќи варијантата „Омикрон“ се шири, но се чини дека бројот на хоспитализација останува релативно низок. За вакцинираните луѓе, доказите сугерираат дека инфекцијата со оваа варијанта се чини помалку веројатно да биде тешка, вели за Си-ен-ен епидемиологот и поранешен извршен директор на Одделот за здравство во Детроит, д-р Абдул Ел-Сајед.

„Важното нешто што треба да се запамети е дека вакцината е како да му давате повик „внимавај“ на вашиот имунолошки систем. Така, нејзиниот капацитет да идентификува, насочува и уништува вируси е многу поголем секогаш кога ќе земеме уште едно засилување на вакцината, вели тој.

Сепак, тоа не значи дека инфекциите не треба да се сфаќаат сериозно, додаде докторот.

„Само затоа што ризикот од тешка болест по поединец може да биде помал, тоа не значи дека Омикрон не претставува реален ризик“, рече тој. „Дури и мал дел од релативно голем број може да биде релативно голем број.

Многу инфекции со Ковид-19 може да изгледаат како настинка или грип. Најдобар начин да се дознае е да се направи тест, вели д-р Сара Еш Комбс, лекар во Националната болница за деца.

Раните знаци на настинка, грип и Ковид-19 имаат тенденција да бидат слични. И Ковид-19 и грипот често предизвикуваат симптоми како што се треска, замор, болки во телото, болки во грлото, отежнато дишење и повраќање или дијареа.

Сепак инфекцијата со Ковид-19, може да се разликува по главоболката и сува кашлица што честопати оди заедно со неа. Губењето на вкусот и мирисот што беше најголемиот предупредувачки знак за инфекција со Ковид-19 сè уште е можен симптом, иако сега е помалку застапен отколку кај другите варијанти, рече Ел-Сајед.