Веста дека државната секретарка во француската влада, Марлен Скиапа ќе се појави на насловната страница на магазинот „Плејбој“, предизвика многу дебати во Франција, но наиде на неодобрување и во владините редови. Феминистичката авторка Скиапа, која е одговорна за социјалната и солидарната економија во Владата, ја брани својата одлука.

Скиапа, чија фотографија ќе се појави на насловната страница на следното издание на магазинот „Плејбој“ заедно со долго интервју придружено со дополнителни фотографии, ја брани слободата на жените и нивното право да прават што сакаат со своето тело, во секое време и каде било. „Жените се слободни во Франција. Без разлика дали тоа им пречи на ретардираните и лицемерите“, напиша Скиапа во саботата на Твитер.

40-годишната феминистичка авторка,која стана релевантна политичка фигура благодарение на претседателот Емануел Макрон, веќе предизвика контроверзии во минатото и неколкупати ја налути десничарската политичка опција. Овој пат, премиерката Елизабет Борн и некои нејзини колеги од владата исто така веруваат дека згрешила позирајќи за Плејбој, кој ќе објави интервју со неа на 12 страници за правата на жените и хомосексуалците и абортусот. Ќе биде објавен на 8 април во француското издание на списанието.

Соопштението доаѓа во време кога владата се соочува со масовни протести и штрајкови против усвоената пензиска реформа за зголемување на старосната граница за пензионирање за две години. Глетката на Скиапо облечена во дизајнерска облека додека позира за Плејбој испраќа погрешна порака, велат некои. Премиерката Борн и порачала на Скиапа дека нејзиното појавување во списанието е „целосно несоодветно во сегашниот контекст“.

За изданието, изборот на Скиапа „најдобро одговара за Плејбој“ меѓу владините министри, рекол уредникот Жан Кристоф Флорентин. .