Младата Хоуп Хикс која ја водеше кампањата на американскиот претседател Доналд Трамп на социјалните мрежи е новата директорка на комуникации во Белата куќа и е трета по ред на оваа одговорна функција откако претходно за многу кратко време беа отпуштени Ентони Скарамучи и Шон Спајсер.

Хоуп е повеќе позната како блиска другарка на Иванка Трамп, но и многу верен член на најтесниот тим околу Доналд Трамп па токму затоа и ја доби довербата да ги претставува неговите ставови и политики пред новинарите во Белата куќа и секако пред американската јавноста.

Поранешната манекенка ја следи глас дека е голем бранител на имиџот на Трамп. Пред да дојде на новата позиција во Белата куќа работела како советник на Иванка, ќерката на Трамп, а работела и како портпарол на кампањата на Трамп, што била нејзина прва работа во политиката.