Тргувањето на азиско-пацифичките пазари утрово длабоко потона како реакција на новата објава на американскиот претседател Доналд Трамп кој ги измени „реципрочните“ тарифи за неколку земји, кои се движат од 10 проценти до 41 отсто.

Акциите на азиско-пацифичките технолошки гиганти беа претежно пониски во петокот, бидејќи инвеститорите ги анализираа заработките на Волстрит преку ноќ од технолошките гиганти, како и новите тарифи што ги наметна американскиот претседател Доналд Трамп врз неколку земји.

Во Јапонија, акциите на Токио Електрон паднаа за 17 отсто до 11 часот наутро по сингапурско време (23:00 часот по источно време во четврток), водечкиот губитник меѓу технолошките компании во земјата.

Ласертек изгуби 4,67 проценти на берзата, додека Адвантест Корп падна за 2,51 отсто, а SoftBank Group за 2,07 проценти. Во меѓувреме, акциите на Ренесас Електроникс последен пат пораснаа за 0,7 отсто.

Во Јужна Кореја, SK Hynix падна за 5,12 проценти, додека Samsung Electronics падна за 1,92 отсто.

Тајванскиот TSMC падна за 1,72 проценти, додека Hon Hai Precision Industry - познат глобално како Foxconn - порасна за 1,12 отсто.

Во Хонг Конг, технолошки ориентираниот Hang Seng Tech Index падна за 0,23% во волатилното тргување.