Велика Британија објави повеќе од 1.000 смртни случаи од ковид-19 за само еден ден, односно во последното деноноќие, што е за прв пат од април, додека владата се бори со нов, позаразен вид на коронавирус.

Четири земји од Велика Британија денеска објавија 1.041 смртни случаи во рок од 28 дена по позитивниот тест за вируси и 62.322 нови случаи на ковида-19, според официјалните податоци.

Овие бројки се уште еден силен потсетник на сериозноста на кризата во време кога Англија и Шкотска воведоа ново затворање поради ковид-19 оваа недела и кога граѓаните беа принудени да останат дома.

Податоците во вторникот покажаа 60.916 нови случаи на инфекција и 830 смртни случаи.

Велика Британија е меѓу земјите кои се најпогодени од ковид-19, со најголем број на жртви во Европа.