Руското Министерство за одбрана ги предупредува жителите на Киев да ги напуштат своите домови бидејќи Русите планираат да нападнат цели во главниот град на Украина, пренесува руската државна новинска агенција Тас.

Во соопштението објавено денеска попладне, Министерството за одбрана рече дека неговите сили се подготвуваат да извршат „високопрецизни удари“ против „Украинската служба за безбедност (СБУ) и 72. Центар за информации и психолошки операции (ПСО)“ во Киев.

„Ги повикуваме граѓаните на Украина кои беа вклучени во провокациите против Русија од страна на украинските националисти, како и жителите на Киев кои живеат во близина на станиците, да ги напуштат своите домови“, се вели во соопштението.

фото: ЕПА