Во Западна Австралија е во тек интензивна потрага по мала капсула која содржи радиоактивна супстанца која исчезна во средината на јануари.

Куќиштето на капсулата содржи мала количина на радиоактивен цезиум-137, кој може да предизвика сериозни нарушувања во телото и болест доколку се допре. Тој беше изгубен меѓу градот Њуман и градот Перт во средината на јануари - и јавноста беше предупредена да се држи подалеку од објектот - доколку биде забележан.

Капсулата била во камион помеѓу рудник северно од Њуман во регионот Пилбара и североисточните делови на Перт помеѓу 10 и 16 јануари, кога била изгубена.

Цезиум-137 е супстанца која најчесто се користи во рударските операции.

Одделот за итни служби (DFES) соопшти дека капсулата не може да се смета за оружје, но може да предизвика изгореници од радијација и да предизвика други долгорочни ризици како што е ракот.

Good thing Western Australia is tiny and there’s definitely not a large distance to search for a small radioactive capsule…

https://t.co/ICIrtQQWVF pic.twitter.com/Dplj8e1yGR

— Savannah (@SavvyBeeBen) January 27, 2023

Објектот испушта „разумна“ количина на зрачење, рече д-р Ендрју Робертсон, здравствен службеник и претседател на Советот за радиологија.

- Нашата грижа е да спречиме некој да ја подигне капсулата без да знаеме што е тоа. Можеби луѓето можат да помислат дека е нешто интересно и да го чуваат, или да го чуваат во својата соба, да го чуваат во својот автомобил или да го дадат некому – објаснил загрижено Робертсон.

Надлежното министерство објави илустрација на објектот со димензии шест милиметри на осум милиметри.

Пребарани се локациите каде што почнал и завршил транспортот на капсулата и се работи за утврдување на точната рута на движење како и постојки за стеснување на полето за пребарување.

Фото: Принтскрин/Твитер