Мнозинството Германци не се согласуваат со мислењето на федералната канцеларка Ангела Меркел дека земјата ќе се справи со миграциската криза.

Ова го покажуваат податоците од социолошкото истражување направено од социолошкиот институт.

Во истражувањето учествувале 1017 граѓани на Сојузната република. "Ние ќе се справиме со ова", повторуваше многу пати канцлерката, за да ги убеди своите сограѓани дека Германија ќе ја надмине кризата со мигрантите.

За последен пат таа ги кажа овие зборови во четвртокот за време на голема прес-конференција, посветена на прашањата на надворешната и внатрешна политика.

66% од испитаниците не го делат мислењето на Меркел. Прашањето кон нив беше поставено така: "Што мислите за тоа дека Меркел покрај големиот број мигранти и потребата од нивно донесување и сместување, многу пати велела: Ние ќе се справиме со тоа"? Другото прашање на YouGov е поврзано со опсността од терористички напади.

Германците веќе не сакаат да патуваат со јавен превоз и да посетуваат рекреативни настани поради страв од терористички напади.

Во исто време повеќе од половина жители на СРГ не ги промениле своите навики, покажуваат податоците од истражувањето.

Околу 14% од Германците признаваат дека во последните три месеци се откажале од патувањата со јавниот превоз, автобуси и возови поради заканата од терористички напади.

Уште толку - 14% - изјавиле дека веќе избегнуваат концерти и масовни собири по повод различни празници. Други 14% не се појавуваат на места каде што има масовни купишта на луѓе. Генерално половина од анкетираните изјавиле дека заканата од терористички напади не ги променила нивните навики и планови. Три четвртини сепак признаваат дека го сметаат за апсолутно најверојатно извршувањето на нови терористички напади од екстремистичката организација "Исламска држава".