Претседателот на САД, Доналд Трамп го даде првото телевизиско интервју откако на 1. октомври му е дијагностициран коронавирус. 

Трамп се појави вчера вечер на Фокс Њуз, каде изјави дека се чувствува добро.

Тој повторно е тестиран и е негативен или речиси негативен. Додаде дека не знае кога му е следното тестирање.

На прашањето како се чувствувал во болница кажа дека бил уморен и дека ја немал енергијата која обично ја има. 

„Сакаа да ме остават на надгледување, но јас сакав да си отидам уште првиот ден“, рече Трамп. 

Вели дека мисли дека е многу важно тоа што рано дознал дека е заразен.

Трамп ги соопшти неговите планови за продолжување на кампањата за претседателските избори. Најпрвин денеска ќе се одржи настан во Белата куќа, а потоа ќе следи митинг во Флорида на 12 октомври.

Во светот има над 37.1 милиони заразени.