Должничката криза е сериозен ризик за европскиот „социјален модел“ на еднакви можности за сите, соопштија денеска од Европската комисија.

„Извештајот на Комисијата, за индустриски односи во минатата година, има тон што загрижува. Острите мерки за штедење и болните економски реформи за стабилизирање на јавните финансии повикуваат на успешен дијалог меѓу работниците, работодавачите и владата. Но, социјалниот дијалог е под се поголем притисок во актуелната ситуација на потисната макроекономска побарувачка, зголемени даноци и намалување на владините трошоци“, изјави Ласло Андор, европски комесар за вработување и социјални работи.

Според Андор потребно е да ја унапредиме улогата на социјалните партнери на сите нивоа, ако сакаме да излез од кризата и зачување на  придобивките од европскиот социјален модел.