Државниот долг на САД за прв надмина 19,5 трилиони долари, соопшти Министерството за финансии.

На крајот на вчерашниот ден долгот достигна 19,51 трилиони долари.

Коментирајќи ја веста светските медиуми потсетуваат дека кога Барак Обама ја презеде претседателската функција, долгот бил 10,63 трилиони долари.

Така за нецелосни 8 години тој речиси двојно се зголемил. Се очекува на крајот на мандатот на Обама идниот јануари долгот да се доближи 20 трилиони долари. Според податоците на ММФ сегашниот долг на САД претставува 107,5% од бруто домашниот производ.

Во 1998-2007 години тој беше во просек 60,7 отсто. Во меѓувреме, во обраќањето кон клиентите на банката на Societe Generale нејзиниот аналитичар Алберт Едвардс предупредува дека единственото што ја крепи американската економија, е корисникот, но тоа нема да трае долго.

Според него економијата на САД е близу до колапс, а намалување на производственото инвестирање и профит покажува дека претстои рецесија. Аналитичарот ја спореди актуелната економска ситуација во САД со тоа од пред финансиската криза во 2007 година, кога само потрошувачката крепи економијата од рецесија. Но на крајот, недостатокот на инвестиции во бизнисот и доцнењето на пазарот на трудот се рефлектира и врз потрошувачите и БДП на земјата паднал. Едвардс предупредува дека растот на инфлацијата во САД наскоро ќе започне да ги троши ресурсите на корисници, што само ќе ја влоши ситуацијата.