Мадс Гилберт, од Норвешкиот одбор за помош, зборуваше за Newshour на Би-Би-Си од Египет, каде што го чека влезот во Газа. Тој рече дека неговите колеги во Газа ги опишале ужасите што се секојдневно таму.

„Замислете болница со 5.000 до 15.000 цивилни бегалци, преплавени со пациенти на кои им е потребна хируршка интервенциј, а потоа светлата се гаснат. Мислам дека можете да замислите колку е тешко тоа“, рече тој.

Десетици луѓе се сериозно повредени како резултат на израелските бомбардирања, рече тој, а стресот од ситуацијата ги испраќа бремените жени на предвремено породување. Сè уште претстојат предизвици, додаде тој, бидејќи ограничениот пристап до чиста вода и храна може да предизвика големи епидемии на болести.

Внатре во болниците, клучната опрема како вентилатори, монитори, пумпи за инфузија и неонатални инкубатори се без струја. Тој, исто така, опиша дека гледал видео што му го испратил лекар во Газа - на кој се гледа друг лекар како клечи пред болница, шокиран откако дознал дека целото негово семејство е убиено.

Д-р Гилберт рече дека медицинскиот персонал некако се обидува да ја заврши својата работа додека се бори со стравот за сопствените семејства и тагата за паднатите членови на семејството или пријателите. Осврнувајќи се на познатиот италијански еп за пеколот, тој додаде: „Ситуацијата во Газа го прави пеколот на Данте да изгледа како забава“.