Работата на која работеа тројцата банкари беше клучна за последователно истражување кое го унапреди нашето разбирање за банките, банкарската регулатива, банкарските кризи и како треба да се управуваат финансиските кризи, се вели во соопштението...

Наградата ќе ја поделат Американците Бен Бернанке, Даглас Димон и Филип Дибвиг.

Според соопштението, работата за која Бен Бернанке, Даглас Димон и Филип Дибвиг добија признание беше од клучно значење за последователните истражувања кои го унапредија нашето разбирање за банките, банкарската регулатива, банкарските кризи и како треба да се управуваат финансиските кризи.

Бен Бернанке, поранешен претседател на Федералните резерви на САД, „во еден труд од 1983 година, заснован на статистичка анализа и историски извори, покажа дека менаџментот на банките довел до банкарски неуспеси, што беше механизмот што ја претвори релативно обичната рецесија во депресија од 1930-тите, најдраматичната и сериозна криза што светот ја видел во модерната историја“, рече Џон Хаслер, член на Комитетот за Нобеловата награда за економија.

Ова американско трио на тој начин им се придружува на ѕвездите како Пол Кругма и Милтон Фридман, кои се претходни добитници на оваа престижна награда.

Наградата, формално позната како Sveriges Riksbank Prize for Economic Sciences во спомен на Алфред Нобел, е последна од овогодинешните Нобелови награди, а добитниците делат сума од 10 милиони шведски круни.

Добитници на Нобеловата награда за економија за 2021 година беа Дејвид Кард, Џошуа Д. Ангрист и Гвидо.В. Имбенс.

Нобеловата награда се состои од златен медал, диплома и чек од девет милиони круни (околу еден милион евра). Паричниот износ на наградата се дели доколку во една дисциплина има повеќе лауреати.

Зошто „Нобеловата награда за економија“ не е како другите Нобелови награди?

Нобеловата награда за економија често е критикувана за нејзините разлики.

Името „Нобелова награда за економија“, наградата за економија во спомен на Алфред Нобел, што се доделува денеска, не е стриктно „Нобелова награда“ на ист начин како и другите награди објавени во првата недела од октомври од страна на шведската фондација.

Во 1895 година, шведскиот хемичар и индустријалец, пронаоѓач на динамит,

Шведскиот хемичар и индустријалец, пронаоѓач на динамитот,  Алфред Нобел во 1895 година оставил во наследство најголем дел од своето огромно богатство (31 милион шведски круни или 230 милиони евра) на фонд наменет за награда на оние кои „во текот на изминатата година му направија на човештвото најголеми услуги“ во областа на медицината, физиката, хемијата, литературата и мирот.

Иста церемонија, но различно име

Економијата не беше на првичната листа. Дури во 1968 година гувернерот на Централната банка на Шведска предложи за стогодишнината на институцијата, доделување на оваа награда, во договор со Нобеловата фондација и Кралската шведска академија на науките, која веќе беше одговорна за доделување награди за физика и хемијата. Се појавува и на официјалната веб-страница на Нобел заедно со други. Но, нејзиниот точен наслов е „Награда за економија на Централната банка на Шведска во спомен на Алфред Нобел“.

Нобеловата награда за економија, од 1969 година ја доделува шведскиот крал на истата церемонија на годишнината од смртта на Алфред Нобел. Сите победници ја добиваат истата награда, која изнесува 9 милиони круни (приближно 870.000 евра).

Постоењето на оваа награда редовно беше доведено во прашање поради недостатокот на различност. Меѓу 86-те луѓе наградени помеѓу 1969 и 2020 година, има огромно мнозинство Американци (67), само две жени и многу претставници на неолибералната економија, што редовно предизвикува контроверзии во моментот на доделувањето.

ФОТО: ЕПА/ ANDERS WIKLUND