Премиерот на Пакистан, Шахбаз Шариф, објави денеска на социјалната мрежа „Икс“ дека е постигната согласност за текстот на мировниот договор меѓу Соединетите Американски Држави и Иран.

„Мирот никогаш не бил толку блиску како што е денеска“, истакна пакистанскиот премиер во својата објава.

Шариф додаде дека Исламабад продолжува активно да работи со двете преговарачки страни со цел успешно финализирање на следните конкретни чекори од процесот. 

Меморандумот меѓу САД и Иран за прекин на војната во Заливот може да биде потпишан уште во недела, изјави западен извор за Ројтерс, а Женева се споменува како најверојатно место за потпишување.

Изворот наведе дека текстот на меморандумот сè уште се финализира и дека Иран се држи до својата позиција дека договорот мора да ги прекине и борбите во Либан, каде што Израел се бори против Хезболах, поддржан од Иран.