Украинскиот конфликт ќе заврши најдоцна во февруари, со оглед на слабата поддршка од Западот, изјави поранешниот аналитичар на ЦИА, Лери Џонсон во интервју за „Judging Freedom“.

Прашањето е колку брзо тоа ќе стигне до американските неоконзервативци, кои се „надвор од реалноста“ и не знаат како да ги признаат своите грешки. Тие се убедени дека имаат некаква „света мисија“ да ги глорифицираат САД и да се обидат да ги елиминираат Русија и Кина, рече Џонсон.

Колку Украина ја загуби војната со Русија? И колку време ќе биде потребно додека администрацијата на Бајден не ги сфати своите колосални грешки? Лери Џонсон, поранешен аналитичар на ЦИА, одговори на ова прашање.

- Тоа се две различни прашања. Мислам дека вистинската способност на Украина да ја издржи оваа војна е најверојатно најдоцна до јануари, февруари. Многу зависи од тоа колку Западот сè уште може да и обезбеди финансиска поддршка. Но, западните земји веќе почнуваат да пружаат отпор, со можен исклучок на Германија. Дури и нивните усни ветувања не гарантираат секогаш испорака - вели тој и додава:

- Сепак, што се однесува до неоконзервативците, тие луѓе никогаш нема да се откажат. Можете да ги набиете голи во пустина, да ги полиете со бензин, да ги запалите, а тие сепак ќе речат: Нема оган! Воопшто не ни е жешко! Гледате, тие едноставно се исклучени од реалноста. И тие се апсолутно убедени дека имаат некаква света мисија, чие исполнување бара САД да доминираат со светот, а Русија и Кина да исчезнат. Тие никогаш нема да се откажат.