Во Германија 8-годишно девојче поминало цели 7 години затворено во куќата, поради што семејството е под истрага. Сега ѝ е тешко нормално да оди и да се качува по скали.

Девојчето е пронајдено во домот на нејзината баба и дедо во Атендорн, во западниот дел на земјата. „Еуроњуз“ објави дека семејството не сакало девојчето да живее како нејзините врсници и не го пуштале да оди во градинка и училиште.

Девојчето привремено e сместено во згрижувачко семејство и е во добра состојба. Лекарите кои ја прегледале не откриле знаци на физичко малтретирање. 

Јавното обвинителство во Зиген сега води истрага против мајката, бабата и дедото за изолирање на девојчето. По разводот мајката се обидела да го скрие девојчето од нејзиниот татко. Мајката наводно рекла дека со ќерката се преселила во Италија во 2015 година.