Девизни дилери во Лондон споделувале налози на своите клиенти преку инстантни пораки со дејтрејдери во блиски градови, за да склучуваат незаконски лични трансакции , информира Bloomberg . Дилерите предавале информации околу добиените наредби на луѓе кои биле ангажирани на терминали за трговија во градовите како Кент и Есекс , кои се наоѓаат на час од Лондон . Дилерите исто така користеле инстанти пораки. Откако ќе проучеле какви позиции заземале клиентите на девизните пазари, дејтрејдерите се обложувале на насоката во која ќе се движат одредени валути и евентуалната добивка ја делеле со дилерите . Еден од изворите на Bloomberg изјавил дека видел дејтрејдер како пренесува плик со пари на дилер на паркинг пред бар во Есекс . Од Bloomberg, се повикуваат на три независни извори , кои тврдат дека се сведоци на оваа пракса веќе неколку години. "Тоа покажува колку се подготвени дилерите за да стигнат во заобиколувањето на правилата , кои не им дозволуваат да заработат за сметка на клиентите и како овие прекршувања на девизните пазари излегуваат надвор од финансискиот реон на Лондон и достигнуваат до нерегулирани дејтрејдери во Есекс и Кент ", пишува Bloomberg . " Скоро невозможно е банките да го престанат тоа , освен ако не се најде начин да ги контролираат сите форми на комуникација ", вели Том Кирхмајер од Лондонската школа за економија и политички науки . Според Bloomberg регулаторните тела веќе ги истражуваат предметите . Оваа практика потсетува на скандалот пред извесно време , во кој стана јасно дека банкарските службеници ги местеле каматни стапки од светско значење .