Децата во шаторите се плашат дека ако има секундарен земјотрес, сè ќе падне врз нивните глави, раскажуваат волонтерите кои помагаат по катастрофалниот земјотрес во централна Италија.

Во сивиот шатор  девојче ги слика планините што го опкружуваат ова малку италијанско гратче. За неа цртежот го покажува единственото нешто што не е променето по силниот земјотрес во средата, кој донесе смрт и уништување во голем број на оддалечени градови и села во централна Италија.

„Сето тоа се распадна, освен планините. Тоа се деца кои претрпеле шок: одеднаш требало да ги напуштат своите домови и оттогаш единственото нешто што го гледаат е разурнувања"- изјави портпаролот на „Спасете ги децата", Данило Џианезе.

Трите најтешко погодени области - Аматриче, Акумоли и Аркан дел тронот се дом на стотици деца, а многу други беа на одмор тука.

Наскоро ќе дојде моментот, во кој ќе треба да се решава и за претстојната учебна година, која започнува во средината на септември. Локалното училиште, сепак е во урнатини и прашање е каде ќе учат децата.