Деца на возраст од 9 години работат во турска работилница за облека, која шие униформи за „Исламската држава" и други терористички групи во Сирија, пишува „Дејли мејл".

Малите деца, меѓу кои има и девојки добиваат меѓу 40 турски лири (14 долари) и 70 турски лири (24 долари) на ден, за да работат најмалку 12 часа дневно.

Според податоците на УНИЦЕФ, речиси 80% од сириските деца кои живеат во Турција, не посетуваат училишта.

„Има луѓе кои преферираат нивните деца да работат за 100 турски лири (35 долари) на недела и за нив тоа е добро, бидејќи немаат никакви пари"- вели сопственикот на работилницата, Сириецот Абу Закур.

Тој за себе вели дека не е ниту револуционерно настроен, ниту пак е приврзаник на „Исламска држава". Живеел во сирискиот град Рака, која сега е престолнина на џихадисти пред да ја напушти својата татковина.

„Единствената причина овие деца да работат со мене е заради парите. Ако немаше војна во Сирија, овие деца ќе беа во училиште - и училиштето ќе беше многу подобра опција за нив "- продолжува Закур.

Тој  вели дека во Рака за него исто работеле деца. „Исламска држава" сакала децата да одат во религиозно училиште, но нивните семејства не ги пуштале, бидејќи имало бомбардирања.