„Инциденти на гранатирање“ се забележани утринава во источна Украина, соопшти ОБСЕ. Украина тврди дека нападот го иницирале руските сепаратисти, сепаратистите, пак, тврдат дека биле нападнати. 

Украинската армија тврди дека е погодена градинка. Во текот на викендот се случи и инцидент во Медитеранот.

Руското Министерство за одбрана во вторникот соопшти дека некои сили од руските воени области во соседството на Украина се враќаат во своите бази по завршувањето на вежбите и објави видео на кое се гледа како силите наводно го напуштаат Крим како доказ. Соединетите Држави не веруваат во тврдењата на Русија за повлекување на војниците од границата со Украина, а се сомневаат дека Москва дури го зголемила нивниот број за 7.000, изјави неименуван висок функционер од администрацијата на американскиот претседател Џо Бајден.

Бунтовниците поддржани од Русија во источна Украина ги обвинија владините сили на Киев дека користат минофрлачи за да ја нападнат нивната територија, прекршувајќи ги договорите за ставање крај на конфликтот.

Украина ги отфрли обвинувањата. Официјален претставник на операцијата на здружените сили на Украина изјави дека врз нејзините војници било пукано, но не возвратиле. Армијата тврди дека е зафатена градинката.

Во текот на викендот имаше инцидент во Средоземното Море. Руски ловци пресретнаа американски разузнавачки авион.

Соединетите Држави не веруваат во тврдењата на Русија за повлекување на војниците од границата со Украина, а се сомневаат дека Москва дури го зголемила нивниот број за 7.000, изјави неименуван висок претставник на администрацијата на Бајден. САД тврдат дека околу Украина сега има дури 150.000 руски војници.

Рускиот претседател Владимир Путин би можел да ја влече кризата во Украина со месеци во обид да предизвика единство на Западот, изјави британската министерка за надворешни работи Лиз Трус.

Украинскиот претседател Володимир Зеленски изјави дека членството во НАТО е „гаранција за безбедноста“. Запрашан дали Киев е подготвен да се откаже од приклучувањето кон пактот, Зеленски рече: „Ова не е амбиција на Украина. Изгубивме 15.000 луѓе. Тоа не е амбиција. Ова е нашиот живот“.

Ако Русија биде казнета со координирани санкции во случај на напад врз Украина, тоа ќе предизвика тешкотии и во други земји, рече американскиот министер за финансии, нагласувајќи дека САД се обидуваат да ја заштитат Европа од „прекумерно“ влијание.

Ако казните бидат изречени, „се разбира, сакаме најсилно да ја погодиме Русија“, рече Јелен во интервјуто. „Но, ние признаваме дека санкциите ќе имаат глобални последици“, изјави Јелен за АФП.

Извор: Индекс.хр