Еврејските аџии кои учествуваа на верски фестивал во северен Израел, што предизвика стампедо во кое загинаа 44 лица, а околу 150 беа повредени, очевидци на трагедијата ги раскажале сите детали за „Јeрусалим пост“, се за она што го виделе на лице место.

Трагедијата се случила кога толпа луѓе влетале во затворен комплекс, при што десетици луѓе се нагмечени покрај оградата.

Извршниот директор на волонтерската организација за итна медицинска помош Јунајтед Хацалах, Ели Полак, изјави дека луѓето доаѓале на верската прослава возбудени затоа што конечно можеле да слават по долго блокирање предизвикано од пандемијата на вирусот корона.

„За жал, најдовме мали деца кои беа прегазени и веднаш започнавме со реанимација. Успеавме да спасиме некои од нив“, рече основачот на Јунајтед Хацалах, Ели Бер и додаде: „Шокиран сум од бројот на луѓе што биле пуштени внатре“.

„Сцените беа ужасни. Луѓето беа прегазени, немаа шанса да избегаат. На некои од повредените сè уште им помагаат на самото место“, изјави за весникот „Марив“ портпаролот на службата за итни случаи во болницата, Заки Хелер, пренесува Индекс.хр.

„Ова е една од најлошите трагедии што некогаш сум ги доживеал. Вакво нешто не сум видел откако започнав да се занимавам со итна медицина во 2000 година“, рече потпретседателот на одделот за волонтирање на службата за итни случаи, Лазар Хајман.

„Бевме на влезот, решивме да излеземе надвор, а потоа полицијата го блокираше влезот и веќе никој не можеше да излезе. Во тоа брзање, паднавме едни над други. Мислев дека ќе умрам. Видов мртовци во близина“, изјави очевидец за Марив.

Причината за стампедото сè уште се утврдува, но очевидци велат дека луѓето се задушиле, здробени од толпата, а другите биле прегазени на тесното скалило додека барале излез. На снимките се гледа како мажи се обидуваат да срушат железни sидови за да избегнат трагедија, а многу деца се разделени од родителите во метежот, пишува „Гардијан“.

Некои очевидци ја обвинија полицијата за поставување бариери кои го блокирале или ограничувале минувањето на скалите, што доведува до стампедо.

На едно видео, можете да видите како толпа мажи лазат низ тесниот премин, а некои паѓаат на подот, а еден мавта.

Израелските медиуми објавија и шокантна фотографија на која се редат мртви тела во пластични кеси, а снимките од местото на трагедијата покажуваат хаотични сцени.

Дејвид за Би-Би-Си изјавил дека одеднаш избувнал хаос.

„Нашите тела одеднаш беа однесени. Некои луѓе беа смачкани на подот, додека други беа фрлени во воздухот поради гужвата. Таму имаше дете кое ми ја стисна ногата, борејќи се за неговиот живот. Во овој страшен хаос ги чекавме спасувачите околу 20 минути. Беше страшно“, рече тој.

Еден преживеан, пренесен во болница, му соопштил на израелскиот јавен сервис Кан дека никој не знаел што да прави.

„Започна со голема толпа. Имаше многу луѓе што лежеа врз мене. Лежев на некој што не дишеше. Имаше врескање, настана хаос. Ги видов децата под мене. Единствено што помислив е дека не сакам моето дете да остане сирак“, рече тој, пренесува „Јутарњи лист“.