Тимовите за цивилна одбрана во главниот град на Обединетите Арапски Емирати, Абу Даби, соопштија дека гаснеле пожар предизвикан од експлозија на боца со гас рано наутро во средата, додека американската амбасада издаде предупредување за „можен напад со проектили или беспилотни летала“.

Според соопштението на државната новинска агенција, во пожарот нема повредени.

– Специјализирани тимови го изгаснаа пожарот, превентивно ја евакуираа зградата и пожарот е ставен под контрола, соопштија тие, пренесува Ројтерс.

Дел од меѓународните медиуми објавија за „експлозиите“ во Абу Даби, додека на Твитер се шират снимки од експлозијата, кои многумина го припишуваат на нападот на проектили или беспилотни летала од страна на Хутите.

According to #IRGC affiliated media, #Houthi rebels conducted a drone strike at Abu-Dhabi, the #UAE's capital. As a result, a small loitering drone hit a commercial building in the city center resulting in damages to civilian property. Houthis are terrorizing people in UAE. pic.twitter.com/aIbowylgr7

— Babak Taghvaee - Μπάπακ Τακβαίε - بابک تقوایی (@BabakTaghvaee) February 8, 2022

Експлозијата се случи на улицата Хамдан во главниот град на Обединетите Арапски Емирати, каде што се одржува Светското клупско фудбалско првенство.

Државната новинска агенција ВАМ соопшти дека пожарот бил последица на „експлозија на боца со гас“. Некои снимки покажуваат нешто што личеше на огнена топка на покривот на зградата додека на улицата можеа да се видат возила на брза помош, пренесува АП.

Огнената топка брзо се распадна на снимката и се чини дека не предизвикала структурна штета на зградата.

Во пријавата на ВАМ нема повредени.

Инцидентот предизвика страв од можен напад на јеменските бунтовници Хуту одговорни за нападот со беспилотно летало врз нафтените постројки во главниот град на ОАЕ во јануари, што резултираше со три смртни случаи, пренесува Хина.

Властите нагласија дека сите дежурни екипи се справуваат со ситуацијата и ја повикаа јавноста „да ги следи вестите на официјалните власти на Обединетите Арапски Емирати и да избегнува ширење гласини и лажни информации“.