Шест недели пред властите да објават, кинескиот дисидент  Веи Џингшенг ги предупредил САД за коронавирусот.

Ова се случило уште во ноември 2019 година.  Веи Џингшенг, основачот на Кинеското демократско движење, откри во новата книга „Што навистина се случи во Вухан“ дека првпат слушнал за „мистериозниот нов вирус“ на Светските воени игри во октомври 2019 година во Вухан. Како што објави „Њујорк пост“, тој бил загрижен и ги предупредил американските разузнавачки служби за инфекцијата, како и американскиот политичар кој бил поврзан со претседателот на САД, односно активистот за човекови права, Дејмон Лиу. Но, Веи рекол дека разузнавачите „не биле многу загрижени“. Дефинитивно не се знае кое е потеклото на вирусот, кој се појави во Вухан, а потоа се прошири во целиот свет.