Десетици илјади излегоа на протести по улиците на Париз против хомосексуалните бракови и повикаа кандидатите за претседателската функција на изборите следната година да ги поддржат „традиционалните семејни вредности“. Протестот беше прекинат за кратко од појавата на шест голи активистки од групата Femen, но тие беа брзо опколени од учесниците во маршот и потоа интервенираше полицијата. 

Демонстрантите носеа транспаренти со натписи „Татко и мајка - тоа е наследни“ и чекореа кон Ајфеловата кула. Според полицијата во протестот учествувале околу 24.000 луѓе, додека организаторите тврдат дека бројот е многу поголем. Причина за гневот на демонстрантите е усвоениот во 2013 година закон, која ги озакони браковите меѓу истополови партнери. Еден од демонстрантите денеска - 72-годишниот инженер Мишел Делон, рече: „Јас сум против хомосексуалните бракови и долните политичари, кои се противат на силата на народот“. Пред три години протестите достигнаа невидени димензии, откако според организаторите кај еден од маршовете во различни градови се собраа 1,4 милиони луѓе. Но претседателот Франсоа Оланд ги игнорираше протестите и во 2013 година истополовите бракови беа легализирани.

Досега никој од водечките кандидати за номинирање од десницата како кандидат за претседателската функција не изразил намера да ги нападне истополовите бракови ако победи во трката следната година.