Демонстрантите во Шри Ланка кои вчера влегоа во резиденцијата на претседателот Готабаја Рајапакса откриле во неа „милиони рупии“, пишува „Дејли мирор“.

Вредноста на еден милион рупии можат е околу 12.500 евра.

Како што наведува Дејли Мирор, „откриените пари се предадени на безбедносните сили“.

Освен тоа, на социјалните мрежи се споделуваат видеа на кои се гледа како луѓето готват и делат храна. Протестите предизвикани од финансиската и економската криза ја зафатија Шри Ланка од почетокот на април оваа година.

What's happening In-side the Prime Minister's official house - Temple Trees! #lka #srilanka #colombo pic.twitter.com/Mk7boe8g4i

— RJ Saksi™ (Media Professional) (@saksivarnan) July 10, 2022

Во ексклузивното интервју за ТАСС, премиерот Викремесинге кој вчера поднесе оставка, истакна дека Шри Ланка се соочува со голем недостиг на девизи, гориво и нафтени деривати, ѓубрива, храна и лекови, а според неговите проценки ќе бидат потребни повеќе од три години за да се опорави од економската криза, јави ТАСС.

И претседателот на Шри Ланка Готабаја Рајапакса одлучи да поднесе оставка следната среда.

Ова го соопшти претседателот на парламентот Махинда Јапа Абејвардена во видео изјава за јавноста и потврди дека Раџапакса го информирал за неговата одлука да се повлече од претседателската функција со цел да обезбеди мирно предавање на власта.