Талибанците денеска отворија оган врз демонстрантите во градот Џалалабад, кои се собраа барајќи повторно да се истакнат авганистанските знамиња на зградите на институциите во тој град, наместо на талибанците, објави локалната агенција Adžvok avgan njuz.

Во извештајот се наведува и дека талибанските борци тепале некои новинари кои известувале од протестот.

Видеата објавени на социјалните мрежи покажуваат стотици луѓе како шетаат по улиците со знамиња на Авганистан, а во позадина има истрели од огнено оружје, пренесува India Today.

Според Ал Џезеира, во нередите и пукотниците загинале најмалку две лица, а 12 се повредени. Сепак, очевидци велат дека три лица загинале.

Претходно денеска, група жени излегоа на првиот јавен протест во Авганистан, барајќи почитување на нивните права, вклучувајќи ја и социјалната сигурност, правото на работа, образованието и учеството во политичкиот живот.

Овие протести се првите знаци на бунт против Талибанците откако таа милитантна група ја презеде контролата врз целата територија на Авганистан пред три дена и влезе во главниот град Кабул.

Многу Авганистанци ја напуштија земјата, а илјадници се уште чекаат да бидат евакуирани преку аеродромот во Кабул

#Taliban firing on protesters in Jalalabad city and beaten some video journalists. #Afghanidtan pic.twitter.com/AbM2JHg9I2

— Pajhwok Afghan News (@pajhwok) August 18, 2021