Делта варијантата на коронавирусот успеа да се инфилтрира во внатрешноста на изолиран манастир на источните Пиринеи во јужна Франција, каде што десетина монахињи живеат целосно скриени од светот. Се претпоставува дека вирусот го донела една од монахињите кои одат по набавки. Регионалната здравствена агенција започнува акционен план за вакцинација во тој дел на Пиринеите.

Медиумите пишуваат дека пет од 11 монахињи биле заразени во далечен манастир на источните Пиринеи, додека живееле како целосно излиран монашки живот на надморска височина од 1.000 метри, во близина на селото Л’Албере.

Сестрите се на возраст од 45, 53, 54, 60 и 91 година и се ставени во карантин. Нивната здравствена состојба не бара болничка нега во моментот. Четири други монахињи исто така биле позитивни на ковид-19. Нивните анализи се проверуваат за да се потврди присуството на индиската варијанта.

Иако нивните контакти со надворешниот свет се крајно ограничени, овие сестри (половина припаѓаат на редот на „пустиножителите на Марија“, а другата половина на „сестрите од Витлеем“) обично ги споделуваат своите животи во молитва, медитација, правење свеќи, икони. Според информациите пренесени од Франс Блу, вирусот можел да го донесе во манастирот медицинска сестра задолжена за набавка.

Ова е прв пат да се открие делта варијанта на вирусот во овој дел на земјата. Но, тој е веќе многу присутна од другата страна на границата, во Каталонија, каде што претставува половина од новите случаи. По воздушен пат, манастирот е оддалечен само неколку километри од Шпанија.