Во Мадагаскар, децата се хранат со бубачки, пијат вода од бари. 

Мадагаскар е на чекор да стане првата земја на светот која ќе го искуси гладот како резултат на климатските промени.  Стотици илјади луѓе веќе трпат глад и несигурност по четири години без дожд. Најновиот извештај на Светската програма на ОН за храна (WFP) тврди дека  oваа држава  ќе се соочи со високи размери на глад и дека наскоро ќе бидат потребни итни мерки за решавање на хуманитарната криза која е во тек. Топлотните бранови предизвикани од климатските промени оваа година го влошиле инаку сушниот период од средината на 2021-а година. Освен сушните периоди, на југот на Мадагаскар има високо ниво на ерозија на земјата и сечење на шумите кои се претворени во обработливо земјиште. Бројните песочни бури ги прекриле нивите и тие станале неупотребливи.