Данскиот производител на светски познатото пиво Карлсберг денеска соопшти дека го купил британскиот производител на безалкохолни пијалоци Бритвик за 3,3 милијарди фунти (4,8 милијарди евра) за да се прилагоди на променливите навики на потрошувачите и да го отвори патот за експанзија во Западна Европа.

Карлсберг ќе го надополни својот бизнис со пиво во Британија со производство на безалкохолни пијалоци за да се прилагоди на трендот на намалена потрошувачка на алкохолни пијалоци.

Бритвик продава безалкохолни пијалоци во Велика Британија, Ирска, Франција, Бразил и Азија и работи со PepsiCo на активности за флаширање. Со купувањето на британската компанија, Carlsberg ќе ја зајакне својата позиција во Западна Европа и во нордискиот регион, пренесува Reuters.

Данската компанија е основана во 1847 година, а само дваесет години подоцна ги испратија првите пратки пиво во Британија. Во 1970-тите, тие отворија пиварница во Нортхемптон, а во 2020 година ги здружија силите со Марстон за да управуваат со синџир пабови.

Тие сега планираат да купат 40 отсто од акциите во заедничкото вложување во пабот од Marston Group за 206 милиони фунти.

Според нивните проценки, трансакциите ќе им заштедат околу 100 милиони фунти во трошоци.