Данската премиерката Мете Фредериксен има намера да „направи сè“ што може за да постигне договор со САД за Гренланд, освен да се откаже од територија. 

На прашањето дали територијата на Гренланд може да им биде предадена на САД, Фредериксен рече дека таков потег е незамислив.

„Не, никој не може да го замисли тоа“, рече таа.

Откако инсистираше дека САД треба да имаат сопственост врз во голема мера автономниот дански остров, претседателот Доналд Трамп минатата недела ја отфрли можноста за употреба на сила за да го стекне и рече дека постои „рамка за иден договор во однос на Гренланд“.

Неговите забелешки следеа по разговорите со генералниот секретар на НАТО, Марк Руте, на маргините на Светскиот економски форум во Давос.

Трамп ја укина заканата од санкции што претходно ги најави за европските сојузници кои ја поддржаа Данска. Фредериксен го смета ова за успех во конфликтот со САД. 

„Сега имаме дипломатски пат со Американците и мора да видиме дали можеме да постигнеме договор“, додаде таа.

Фредериксен одби да биде вовлечена во содржината на разговорите со САД и рече дека не е јасно колку долго ќе траат преговорите.

Американскиот претседател Доналд Трамп вели дека островот им треба од безбедносни причини. 

foto printskrin youtube