Данилов: Украинците ќе го урнат мостот на Крим, а предавниците ќе одговараат
Украина има план како да ги врати окупираните територии.
Секретарот на Националниот совет за безбедност и одбрана, Олексеј Данилов вели дека Украина подготви план од 12 точки за полуостровот Крим по неговото повторно преземање.
„Планот е да се урне Кримскиот мост, кој овозможува железнички и автомобилски превоз меѓу полуостровот и руското копно преку портата Керч“, напиша Данилов на Фејсбук.
Тоа вклучува и протерување на сите оние кои им служеле на руските власти откако Русија го анектираше полуостровот во 2014 година. Данилов тие службеници ги нарече „ѓубре“.
Данилов како пример за модел ја наведе денацификацијата на Германија по Втората светска војна. Руските соработници и предавници на украинската држава, како што рече тој, ќе се соочат со судење во втората фаза од планот. Кажа дека Русите кои се населиле на полуостровот по 2014 година ќе бидат протерани, а сопственоста на имотот ќе биде поништена.
„Ќе се спроведе сеопфатна програма за детоксикација со цел да се неутрализираат последиците од руската пропаганда врз свеста на дел од јавноста“, напиша Данилов.
Вели дека политичките затвореници, меѓу кои има и многу кримски Татари, веднаш ќе бидат ослободени.
фото Фејсбук
Слично
Поврзани вести
