Американскиот претседател Доналд Трамп изјави дека САД нема да испраќаат дополнителни трупи на Блискиот Исток, додавајќи дека конфликтот со Иран „наскоро ќе заврши“, објави „Еуроњуз“.

„Не испраќам трупи никаде. А и да испраќам, сигурно не би ви кажал“, изјави Трамп на прес-конференција во Белата куќа.

Тој оцени дека, и покрај растот на цените на нафтата по нападите врз Иран, последиците се помали од очекуваното.

„Очекував да биде многу полошо. Не е толку лошо и наскоро ќе заврши“, рече Трамп.

Од своја страна, јапонската премиерка Санае Такаичи порача дека Иран не смее да има нуклеарно оружје и предупреди дека ситуацијата на Блискиот Исток може сериозно да влијае врз глобалната економија. САД  и Израел веќе 20 дена го напаѓаат Иран. САД и лани изврши напади во Иран. Двете земји не сакаат Иран да поседува нуклеарно оружје.

foto printskrin youtube