„Упорниот ПР-воин“ Рамзан Кадиров, од омразен гласник на Путин на позадината на војната во Украина, станува сериозна закана, всушност „темпирана бомба“ за рускиот ислам.

Додека Кадиров организираше коњски трки во Чеченија, се бореше против киднапирањата на невести и им се извинуваше на локалните старешини за несовесната младина, тој беше перцепиран како донекаде ексцентричен, но генерално контролиран регионален владетел кој ѝ служи на руската држава.

Војната во Украина драматично го промени имиџот на Кадиров. Од нагласено храбар воин, тој се претвори во банален ПР-човек, кој ги искажува најомразните наративи изнесени од Кремљ.

Имајќи го предвид двосмисленото искуство на Кадиров, слободно може да се каже дека играњето на „говорник“ на Путин не е неговата најдобра улога. Имиџот на „бестрашните луѓе на Кадиров“ и нивниот племенски водач се распаѓа пред нашите очи. „Гордите чеченски воини“ се кријат во украинските подруми, снимајќи мотивациони видеа за секоја прилика.

Речиси секојдневно Кадиров на Телеграм ги споделува видеата снимени од неговите борци во Украина. Судејќи според овие клипови, луѓето на Кадиров не учествуваат директно во престрелките, извршувајќи ги задачите на класичните задни единици, додека вистинската војна ја водат етнички руски војници.

Не се забележани вистински факти кои ги потврдуваат личните посети на Кадиров на ниту една од „жешките точки“, вклучително Гостомел во близина на Кијив и Мариупол, но има многу негови срамотни изјави кои повикуваат на „војна до победа“ и видеа снимени во нејасни простории, повеќето најверојатно во безбедно засолниште или засолниште за бомби со масивни ѕидови.

Кадиров на секој начин се обидува да создаде имиџ на „национален руски лидер“, речиси „фрлајќи му ракавица“ на самиот Путин, иако применува тактика што не успева. Во пресрет на руско-украинските разговори во Истанбул, Рамзан Кадиров отворено прогласи провоени „партиски слогани“, барајќи „да се оди до крај“ и дури потоа да се решат сите прашања. Наспроти позадината на извештаите за труење на тројца преговарачи, не би било толку чудно да се претпостави дека „воената партија“ во Кремљ се обидува да ги забави разговорите. Можеби Рамзан Кадиров, како најимпулсивен и најнепредвидлив од „фигурите на Кремљ“, решил да го „забрза“ преговарачкиот процес по своја дискреција, можеби дури и без да се консултира со својот „врховен покровител“.

Сепак, Кадиров претставува многу поголема закана, која Кремљ можеби сè уште не ја сфаќа. Тоа е закана за рускиот ислам. „Водачот“ отворено тргна по патот на џихадот, во неговата најопасна верзија – војна со неверниците. Во случајот со Украина, се работи за џихад против словенските христијани. За таква мултирелигиозна земја како Русија, ова може да создаде многу опасен преседан.

Покрај тоа, Кадиров не се двоуми да се појави на места каде што цивилите - жени, деца и стари лица - отворено се убиваат.

Се чини дека „Воинот на Алах“ кој себори со жени е премногу дури и за путинскиот режим.

Оваа статија првпат се појави во списанието „Пакистан во светот“ (Pakistan In the World) и е препечатена овде со дозвола на уредникот, а е нарачана од ПР Објава на Здружението Лесја Украинка