Меѓу многуте теории за судбината на малезискиот авион, кој пред околу три недели мистериозно исчезна, се појави и една која го вклучува Џејкоб Ротшилд, британски мултимилијардер и наводен член на масонското движење и прикриен лидер на светот. Според оваа теорија 77-годишниот Ротшилд добил многу со исчезнувањето на авионот од летот МХ370. Имено, меѓу 239 патници и членови на екипажот во авионот на „Малезија Ерлајнс“ биле и 20 инженери на американската компанија за технологија Freescale Semiconductor. Заедно со нив Ротшилд го развивал микрочипот КЛ-03 за кој се верува дека во иднина ќе служи за електронска војна. Со исчезнувањето на 20-те инжинери, Ротшилд станал единствен сопственик на патентот за овој микрочип, тврдат дел од медиумите. Компанијата Freescale Semiconductor веќе 50 години се занимава со производство на микропроцесори, сензори и друга технологија. Исто така е точно дека 20 нејзини вработени патувале заедно на летот од Куала Лумпур до Пекинг. Ова беше доволно за теоријата масовно да започне да се шири на интернет со прашања - каде патувале инженерите на Freescale и зошто патувале заедно, дали имале вредни информации за авионот да биде киднапиран, дали Ротшилд со исчезнувањето на авионот си го обезбедил за себе патентот за микрочипот на иднината?