Фејсбук отстрани стотици профили за кои се смета дека биле вклучени во кампањи и ширење дезинформации против вакцинирањето кои се водат од Русија. Компанијата соопшти дека мрежата на сметки била насочена кон Индија, Латинска Америка и САД.

Преку овие профили бил направен обид да се регрутираат влијателни лица за да шират лажни тврдења за да ја поткопаат довербата на јавноста во вакцините против коронавирусот.

Во својот последен извештај за „координирано неавтентично однесување“, Фејсбук објави дека пронашол врски помеѓу оваа мрежа и лошата дезинформациска кампања од влијателната маркетинг агенција Фазе (Fazze) - која е дел од руската компанија наречена АдНау (AdNow).

Минатиот месец Би -Би -Си објави како во мај оваа година Фазе им понудил пари на влијателни да шират лажни тврдења за ризиците поврзани со вакцината Фајзер.

Според Фејсбук, тоа бил втор бран обиди на мрежата за да ги уништат западните вакцини.

Нивната истрага покажа дека од ноември 2020 година истата мрежа се обидела лажно да ја обои вакцината АстраЗенека како опасна бидејќи користи аденовирус земен од шимпанза.

Објавите од сметките во мрежата ширеа мемиња кои користеа слики од филмовите на Планетата на мајмуните за да остават впечаток дека вакцината ќе ги претвори луѓето во мајмуни.

Овие објави се појавија на Фејсбук на хинди во исто време кога индиската влада расправаше за итно одобрување за вакцината АстраЗенека.

Кампањата користеше лажни сметки, од кои некои веројатно потекнува од „фарми“ со сметки во Бангладеш и Пакистан.

Фејсбук соопшти дека отстранил 65 сметки на Фејсбук и 243 сметки на Инстаграм поради кршење на нивната политика против странско мешање.

Бен Нимо, лидер на разузнавачката служба на Фејсбук, ја опиша кампањата како „перална за дезинформации“

Според извештајот на Фејсбук, овие линкови потоа ги споделиле неколку влијателни лица на Инстаграм, кои користеле исти хаштагови и упатувале на фактот дека вакцината АстраЗенека е изведена од шимпанзо аденовирус.