Началникот на ирската полиција Дру Харис објави дека 34 лица се уапсени поради немирите во четвртокот вечерта во Даблин, по нападот со нож во ирската престолнина вчера, при што четири лица беа повредени.

Имаме вкупно 34 апсења, од кои 32 лица ќе бидат изведени пред суд утрово“, изјави Харис на прес-конференција, пренесува Би-би-си.

Тој додаде дека за време на насилните протести значително се оштетени 13 продавници, уништени се 11 полициски возила, три автобуси и еден трамвај.

Rioting breaks out in central Dublin after stabbing attacks https://t.co/qwhyFbTDZN

— Financial Times (@FT) November 23, 2023

Еден полицаец е тешко повреден за време на полициската акција, додека многу повеќе се повредени за време на немирите, изјави началникот на ирската полиција.

Законот и редот беа воспоставени синоќа околу 21 часот, рече Харис.

За време на протестот, толпата извикуваше слогани против имигрантите, според Гардијан, а Харис на синоќешната прес-конференција рече дека „во немирите била вклучена хулиганска фракција, водена од екстремно десничарска идеологија.

Харис пред новинарите ги опиша синоќешните настани во Даблин како „вонредни“, додавајќи дека такви сцени не биле видени во главниот град на Ирска „со децении“.

Харис ја оправда полициската реакција на местото на настанот, додавајќи дека ќе биде извршен „фундаментален преглед на тактиките на јавниот ред“.

Rioting broke out in Dublin yesterday.

Angry workers came to the streets and battled police. The precipitating cause was their anger about a stabbing of “2 adults and three children”, which Irish police (Garda) have said “does not have a terrorist motive” - which statements have… pic.twitter.com/XvgojviWX2

— The Communists (@CPGBML) November 24, 2023

Шефот на ирската полиција предупреди дека постојат сомневања дека може да има уште насилство на улиците на Даблин и дека се проценува соодветната реакција.

Во Даблин утринава забележително е зголемено присуството на безбедносните сили по синоќешните насилства, грабежи и хаос во главниот град на Ирска, на протестот по нападот со нож во училиште, во кој беа повредени три деца.

Јавниот сообраќај утрово е нормализиран со одредени промени во центарот на градот, а улиците се расчистуваат, пишува „Ириш Индипендент“.