Откако акциите на Фејсбук минатата недела скокнаа за 18 %, Марк Цукерберг заработил пет милијарди долари, додека пак, Бил Гејтс изгубил 1,6 милијарди. Цукерберг поседува 29% од акциите на Фејсбук и благодарение на подобрите финансиски резултати само во еден ден заработи на хартија околу 5 милијарди долари. Но, веќе следниот ден Цукерберг загуби 221 милион долари. Од друга страна, Бил Гејтс кој сега е сопственик на повеќе од 5% од акциите на Мајкрософт, со падот на цената на акциите за 11,4% загуби 1,6 милијарди долари. Но веќе следниот ден, Гејтс си поврати 243 милиони долари.