Член на партијата „Луѓе, слобода, фундаментални права“ (МФГ), која со својата политика против мерките против ковид и вакцинација успеа да влезе во провинциските и локалните институции во австриската покраина Горна Австрија, почина од коронавирус.

На 25 ноември партијата објави дека се разболел еден од нивните партиски колеги од градот Рид им Инкраис.

„Да - еден член на МФГ е во болница поради короната“, напишаа тогаш од партијата.

Општинските власти сега објавија дека 54-годишниот советник и подлегнал на тешката болест коронавирус.

МФГ е партија која обединува луѓе кои го негираат постоењето на коронавирус и се противат на епидемиолошките мерки и вакцинацијата.

Со таква политика успеаја на последните избори, а најавуваат дека во случај на предвремени избори во Австрија ќе излезат на избори со верба дека ќе влезат во парламентот.