Јапонскиот милијардер Јусаку Маезава го има најретвитуваниот пост на социјалната мрежа „Твитер“. Сопственикот на вториот по големина јапонски сајт за онлајн шопинг „Зозо“ твитна дека ќе плати 100 милиони јени (920 илјади долари) на 100 среќници кои ќе го ретвитнат неговиот пост. Во обид да се меѓу избраните случајни победници, следбениците на Маезава го ретвитнале постот рекордни 3,8 милиони пати, а ставиле и над 900 илјади лајкови.

Претходниот рекорд за ретвитови му припаѓаше на студент од САД, чија цел беше да добие бесплатна годишна достава на пилешко од „Вендис“, покажуваат податоците на Статиста. Овој пост имаше 3,58 милиони ретвита и 990.000 допаѓања. Селфито на Елен Де Џенерис од Оскарите во 2014 година, со холивудските ѕвезди Мерил Стрип, Џулија Робертс, Бред Пит и Анџелина Џоли, беше на второ место со 3,3 милиони споделувања.

- Се што треба да направите за да учествувате е да ме следите и да го ретвитнете овој твит- напиша на Маезева на 5 јануари.

Твитот вклучуваше слика на човек на ракета со месечината во позадина. Сликата е слична на инсерт од популарниот филм E.T.

ZOZOTOWN新春セールが史上最速で取扱高100億円を先ほど突破！！日頃の感謝を込め、僕個人から100名様に100万円【総額1億円のお年玉】を現金でプレゼントします。応募方法は、僕をフォローいただいた上、このツイートをRTするだけ。受付は1/7まで。当選者には僕から直接DMします！ #月に行くならお年玉 pic.twitter.com/cKQfPPbOI3

— Yusaku Maezawa (MZ) 前澤友作 (@yousuck2020) January 5, 2019

Лани во септември, тој објави дека ќе лета на месечината со SpaceX во 2023 година.