Во Турција почина девојче извлечено од урнатините, a спасувачот доби критики затоа што снимал „во живо“ и не чекал брза помош. 

Азра Дуру имаше само 4 години. Веста за смртта ја потврдија роднините на малечката Азра, јавуваат турските медиуми. Спасувачот ја вклучил камерата од телефонот и снимал додека самиот го држел девојчето и покрај тоа што имало видливи повреди.

На снимките се гледа дека детето тешко ја држи главата, а внимание привлекоа и повредите на лицето, пишуваат корисници на социјалните мрежи во Турција. Велат дека спасувачот не требал сам на раце да го носи повреденото девојче. Причината за смртта на Азра е објаснета како траума предизвикана од природна катастрофа, тешка повреда, внатрешно крварење, скршеници на левата нога и на десната рака. Цели семејства загинаа во Турција. Бројот на жртви во Турција и Сирија е околу 42.000.