Цените на имотите во Велика Британија достигнаа ново рекордно ниво, соопшти најголемата агенција за недвижности „Rightmove Plc“. Продажните цени на имотите се зголемиле за 0.3 % до средна вредност од 253.658 фунти. Очекуваното зголемување за годинава веќе е 4 % споредено со претходните прогнози за раст на цените од 2 %. До нов рекорд стигнаа и цените на имотите во Лондон, на ниво од 515.379 фунти. „Комбинацијата од економска стабилност на меѓународен план и знаците за промени во економијата во позитивна насока се главната причина за растот на цените на недвижностите во Велика Британија“ - смета Мајлс Шипсајд, директор на агенцијата „Rightmove“. На годишно ниво средните цени во Англија и Велс се зголемиле за 4.8 %. Во Лондон продажните цени на имотите се зголемиле за 12 % само во последната година.