Кинеските власти денеска соопштија дека растот на економијата се стабилизира и дека до крајот на годината тој ќе изнесува 7,5 посто, пренесува Близлајф. „Постојат знаци на стабилизација, како и понатамошен раст. Уверени сме дека ќе ја достигнеме прогнозираната стапка на раст на годишно ниво“ - соопштија од владината Агенција за статистика. Економскиот раст на Кина е во пад во последните две и пол години, а во вториот квартал од оваа година падна на 7,5 посто. Падот е поголем од прогнозираниот по неочекувано слабата глобална продажба на кинеска роба. Како што наведуваат во Агенцијата, ова е најдолг период на опаѓање на економијата откако Кина се сврте кон пазарната економија пред три децении.