БРОЈОТ НА ЖРТВИ РАСТЕ: Повеќе од 116 луѓе загинаа во песочна бура
Повеќе од 116 луѓе загинаа, а над 140 се повредени во песочните бури, кои денеска зафатија неколку индиски сојузни држави.
Од песочната бура најтешко се погодени сојузните држави Утар Прадеш, Раџастан и Андра Прадеш. Од вкупниот број жртви дури 43 се во градот Агра во Утар Прадеш.
Силните ветрови, кои на места достигнале брзина и до 130 километри на час, предизвикале прекин во снабдување со електрична енергија, уривале дрва и ѕидови и уништувале куќи и сточен фонд.
Голем број луѓе загинаа откако им се урнале куќите додека спиеле.
Песочните бури се честа појава во Индија, но невообичена е висока бројката на жртви.
Слично
Поврзани вести
