Во Конго има најмалку 50 загинати и повеќе од 100 исчезнати откако брод се запали и се преврте. Несреќата се случи во северозападниот дел на државата близу градот Мбандака. 

Десетици луѓе се спасени, а многу од нив се здобиле со тешки изгореници. Потрагата по исчезнатите е во тек, а спасувачки екипи се помогнати од Црвениот крст и локалните власти.

Инцидентот настанал додека една жена готвела на бродот.  Неколку патници, меѓу кои и жени и деца, загинале откако скокнале во водата, но не знаеле да пливаат. 

Смртоносните бродски несреќи се вообичаени во оваа централноафриканска земја, каде често има критики за патувањата во доцните ноќни часови и преполните бродови. Властите се мачеа да ги спроведат поморските регулативи.

Минатиот месец се преврте брод и загинаа 25 луѓе. И во 2024 година имаше слични немили настани. 

foto AP